RADEN = SAYYID? 2

MJ Nyerat :

Perkara raden jeung sajabana,

Ari dongengna mah, kieu….sugan ieu ge

…..

“Sistem di Arab mah duka tah. Tapi mun ngaitkeun ka sebutan ka Nabi, tangtu teu nyambung jeung urusan feodalisme, sabab Nabi asa teu kasebut raja Arab, sanajan beliau oge asana memang jadi pamingpin “nagara” Madinah oge.  Cek nu kungsi gawe di arab, urang arab mah teu aya istilah sebutan nu ngaharib-harib ka raden atawa sebutan menak.

Habib jeung Sayid

Habib jeung Sayid, sebut we sesebutan pikeun manusa nu mulya, konteksna lain, malah lucu atawa romantis mun nempo hartina langsung. Habib teh asana kabogoh atawa nu pikanyaah. Yang tersayang atawa yang tercinta, cara Ya Habibie Ya Muhammad- Yang tercinta, (nabi) Muhammad.  Cek nu kungsi jadi TKI di KSA (Kingdom of Saudi Arabia, ngaran resmi  arab saudi) Sayid mah rada sarimbag jeung Tuan atawa Bapak atawa Mr. Nya sigana aya harti yang terhormat tea mun di urang mah.”

——//

Numawi mang Jamal, anu nyebatkeun Sayyid=Raden etateh urang Iran (janten sanes simkuring “ngaharib-harib”), turunan kangjeng Nabi SAW, dimana di Iran mah atanapi anu nyepeng Madzhab Syi’ah panghurmatan sebatan eta teh diarangge keneh. pon Kitu di Arab Saudi oge anu ngamadzhab Syi’ah mah diarangge, pun Bibi kawitna TKW teras ditikah ku Urang Arab margi Bojona tos ngantukeun, gelar sebatan panghurmatan teh benten-benten, tapi tetep saurnah upami aya lulungsur/runtuyan ti Ahlul Baet(Keluarga Nabi)-mah sok disebat Sayyid ku panganut Madzhab Syi’ah, boh kaya/miskin eta jalmina teh.

Upami nilik kana sejarah Kanjeng Nabi gumelar lahir ti kulawarga anu sederhana pisan tur para Ulama-ulama anu ngaranggo sebatan Sayyid hampir sadayana sanes jalmi “Bisnisman”/teu Jegud. Sebatan Sayyid sakaterang simkuring sanes hartos Bapak/Mr/Tuan, margi sebatan Bapak/Mr mah aya anu langkung lumrah Abu Tholib, Yaa Aba Tholib.

Waktos acara Sillaturahmi (Kempelan Kulawargi), wargi anu ti urang Arab Saudi tadi, nyauran ka pun Bapak teh sanes Sayyid Adang/Ya Aba Adang, tapi nyauran ka pun Bapak teh : Ya Aba Yusuf :

ari Adang nami pun Bapak (Alm)

ari Yusuf, lanceuk simkuring pang gedena.

Kabiasaan urang Arab Saudi mah tara nyebat nami langsung, tapi nami putra pang ageungna, Yaa Aba Yusuf, sedengkeun upami sebatan Sayyid lazimna diteraskeun kunamina, Sayyidina Muhammad.

Sayyid diteraskeun ku Nami anu di tujuna.

Abun=Bapak/Tuan/Mr diteraskeun ku Nami Budak pang gedena.

Kuhal sakitu nguping wartos ti Urang Iran yen Sayyid=Raden, simkuring teh asa cocok pisan. Upami Sayyid mangrupikeun sebatan nuduhkeun kamulyaan boh dina Elmuna/Akhlakna, naha ari sebatan Raden nuduhkeun kamulyaan heunteu??? atanapi Warisan wae ti Walana???. Simkuring sapuk pisan sareng kang Jamal (MJ), yen Raden teh tina Raha Dian (Getih Suci).

RADEN=Raha Dian (Getih Suci), memang teuaya dina naskah kuno sunda mah…, ayana gelar Raden kabeh dieunakeun, margi memeh aya gelar Raden, nami-nami karuhun sunda/raja-raja sunda sok nganggo gelar ka Elmuannana, contona Sanghiyang (Jalmi anu parantos Mampu Ngahiyang/Tilem) atanapi PRABU SILIWANGI (SILIH WANGI), Raja anu parantos ngajarkeun Elmu tur Akhlakna pikeun Silih Sengitan jeung papada, teu luhur teu handap pikeun Silih Asah, Silih Asuh, Silih Asih. Jalmi anu parantos ngahijikeun sababaraha Karajaan tur nentremkeun Rahayatna di pasihan gelar/pada nyarebat Prabu Silih Wangi. aya ling bacaan perkawis Siliwangi=Silihwangi https://sukapura.wordpress.com/2008/07/01/siliwangisilihwangi/#more-92

Nilik sajarah sunda kabeh dieunakeun, Sajarah Cianjur, Garut, Sukapura, Subang, Purwakarta gelar anu dipaparinan/sebatan Raden nyaeta kanggo jalmi anu parantos berjuang dina bebeneran (Wani Pati-Batur Bagja) merangan Penjajah, sok sanajan teu di tempelkeun ku Karajaan ti Mataram oge, merangan Penjajah anu loba nyangsarakeun rahyatna, tangtu Getihna teh Suci alias SYAHID (sebutan pejuang Islam mah) ieu panginten anu disebat Raha Dian tea/Getih Suci.

Sebatan Raha Dian (Raden) ieu dilungsurkeun kana ngaran anak incuna, supaya dijadikeun du’a pikeun nuluykeun perjuangan luluhurna nyaeta Kudu Wani Pati pikeun Kabagjaan Balarea, teu Luhur teu Handap, Teu Jegud teu Miskin. Upami ningali sajarah sukapura (Sumber ti Ketua Komisi Sejarah, Yayasan Sukapura), dugi ka kiwari hektaran sawah warisan (Wakaf Sukapura), hasil tatanenna di pasihkeun ka masyarakat anu kirang mampu di sabudeureun kota/kabupaten Tasikmalaya (Khususna).

Timana Hektaran Sawah eta teh??? Naha kenging ngagalehan ku pedah Jegud???

Sanes.., Saurnah kenging ngarampas deui ti Walana anu tos di cepeng, di olah ku Walana mangpuluh bahkan ratus tahun.

Kusaha ngawitannana di Sukapura ieu???

Saurnah anu Mimpin berjuang ngusir panjajah teh, Raden Wira Wangsa gelarna Wira Adeg Daha I (Wira Dadaha I). pon kitu deui di Cianjur Raden Wiratanudatar jsb.

Upami ningal ti luluhurna Sukapura, Raden Wira Wangsa teh lungsuran ti Eyang Padarek (Makamna di Padarek Singaparna) anu mulih deui ka Tatar Sukapura kawit ti Mataram milari karuhunna di tatar para hiyangan, Janten Raja Pajajaran+Raja Mataram teh upami dijugjugmah adi lanceuk (masih keneh dulur sadarah Sunda). Kahartos upami timataram nyematkeun Raden teh, salianti berjuang nyata pikeun balarea, katambih ku ikatan kulawarga tea.

Tah…tah…upami ningal kana sajarah eta sareng hartos tina kecap Raden (Raha Dian) Getih Suci (Wani Pati Batur Bagja) asa patojaiah upami disebatkeun yen sebatan Raden teh warisan Penjajah Walana (pangaruh Peodal). Ieu nu janten simkuring ngemut…heheh🙂

Simkuring sok mikir deui, ti iraha sebatan Raden teh di identikeun sareng Jalmi anu Jaregud???, pangaruhna Jalma anu teu Jegud (kabeneran pakayana pas-pasan) malah katalangsara tur padahal ku luluhurna ditempelan ngaran Raden, antukna diganti kapangadilan supaya dina KTP/Akte kalahirannana ulah ngangge Raden da era tea, alias teu Jegud.

…oooh mereun ieu pangaruh tina KAPITALIS tea,nyata ari kitu mah budaya urang sunda teh eleh ku paham Kapitalis…anu ngukur sagala rupa teh ku ukuran harta banda.

Le-ehna sebatan Sayyid di masyarakat Arab Saudi ayeuan khususna anu sanes Madzhab Syi’ah, sebatan pikeun turunan Kanjeng Nabi SAW, ieu teu leupas tina burem-na sajarah Islam, tikawit kangjeng Nabi SAW wafat, Incu Kanjeng Nabi Sayyid Imam Husain di teuk-teuk mastakana, di arak-arak ngurilingan kota Karbala (Iraq), nya kocap singkatnamah dugi ka Iran ayeuna ngungsina, susulumputan tur sumebarna turunan ti kanjeng Nabi teh.

Rusiahna tiasa ngadeg dugi kayakaeun Revolusi Islam Iran, tiantawisna mayoritas masyarakat leuwih hurmat+Satia ka Sayyid-Sayyid/Para Imamna tinimang ka Pamarentahan anu Keji tea. Aya bacaan bubuka perkawis Revolusi Iran  https://sukapura.wordpress.com/2008/07/01/rahbar-dan-revolusi-islam-iran/#more-105

Eta mah salah sawios hikmah tina ngagunakeun Sayyid di Nagara tatangga anu kahartos ku simkuring, tantos benten upami sareng hikmah tina ngagunakeun Raden (Raha Dian) Wani Pati pikeun Kabagjaan Balarea di Tatar Nusantara mah….heheh🙂

Panghurmatan sebatan nami Sayyid ngawitan leeh, diakibatkeun ku Politik Kapamimpinan (Kholifah Islam). Panghurmatan sebatan nami Raden ngawitan leeh, diakibatkeun ku Politik Penjajah Adu Domba tea.

Duanana sebatan nami eta, nuduhkeun kana Kamulyaan.

Sakitu emutan simkuring teh, hapunten sanes bade wawantunan, mung tadi oge aya pasualan anu jadi pamikiran simkuring…

hapunten anu kasuhun

baktos

Agus Wirabudiman

di Milis uransunda@yahoogroups.com, kisunda@yahoogroups.com

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s